Azərbaycan, Bakı / Trend müxbir İ.Əlizadə/ İran vertalyotlarının Azərbaycanın hava sərhədlərini pozması ilə bağlı rəsmi orqanlardan heç bir müraciət almamışıq. Bu barədə İran İslam Respublikasının Azərbaycandakı fövqəladə və səlahiyyətli səfiri Əfşar Süleymani bildirib.
"Əgər belə bir hadisə baş veribsə Azərbaycanın rəsmi orqanları səfirlik vasitəsi ilə İran tərəfinə müraciət etməlidir. Həmin müraciət əsasında İran tərəfi məsələni araşdıra bilər. Lakin səfirliyə belə bir müraciət daxil olmayıb", -deyə Ə.Süleymani qeyd edib.
Qeyd edək ki, Astara rayon İcra Hakimiyyəti fevralın 22-də İrana məxsus vertalyotların bu rayonun ərazisində Azərbaycanın hava sərhədlərini pozduğunu təsdiqləyib.