Azərbaycan, Bakı / Trend müxbir E.Hüseynli/ Azərbaycan ekspertləri mayın 13-16-da keçiriləcək NATO-nun tədbirinə qatılmaq üçün Brüsselə gedəcəklər. Tədbirdə NATO-ya üzv olan və qurumla əməkdaşlıq edən ölkələrin ekoloji təhlükəsizliyi üzrə ekspertlər iştirak edəcək. Bu barədə çərşənbə axşamı tədbirə ekspert kimi dəvət olunan Azərbaycan Milli Elmlər Akademiyasının (AMEA) Radiasiya Problemləri İnstitutunun direktoru Adil Qəribov məlumat verib.
Qəribov bildirib ki, iclasda ekoloji təhlükəsizliyə dair dünya miqyaslı, o cümlədən Azərbaycanda həyata keçirləcək layihələr müzakirə olunacaq.
