Azərbaycan, Bakı / Trend , Z.Səfərov/ Qadın voleybolçulardan ibarət "Azərreyl" klubunun Çempionlar Liqasının "B" qrupunda turnir cədvəlində irəliləmək şansı var.
Trend in verdiyi məlumata görə, bunun üçün Faiq Qarayevin yetirmələri dekabrın 4-də öz meydanlarında "Fənərbağça"ya qalib gəlməlidirlər ki, bu da o qədər asan deyil. Türkiyə voleybolçuları alt qrupun əsas favortilərindəndir və ötən turnirdə Polşanın "Kalisiya" komandasına qalib gəliblər, "dəmiryolçular" isə, "Odintsovo"dan olan "Zareçye"yə 0:3 hesabı ilə məğlub olub. Hazırda kadr problemləri olan "Azərreyl" "Fənərbağça" ilə görüşündə zədə alan Yelena Parxomenko, Lidiya Maksimenko, analıq məzuniyyətindən yeni qayıtmış Oksana Məmmədyarovanın xidmətlərindən istifadə edə bilməyəcək.