Azərbaycan, Bakı, 05 fevral / Trend , müxbir K. Zərbalıyeva/ Milli Məclisin sabiq sədri, hazırda beynəlxalq axtarışda olan Açıq Cəmiyyət Partiyasının lideri Rəsul Quliyevin qardaşı oğlu həbs edilib.
Çərşənbə axşamı Bakının Səbayel rayon məhkəməsinin qərarı ilə Elbrus Quliyev Cinayət Məcəlləsinin dələduzluq (178) maddəsi ilə təqsirli bilinərək, barəsində 3 aylıq həbs seçilib.
Quliyev məhkəmənin qərarından sonra Bayıldakı 1 saylı İstintaq Təcridxanasına köçürülüb.
Rəsul Quliyev 1993-96-cı illərdə Milli Məclisin sədri olub. O, vəzifə səlahiyyətlərini aşma, rüşvət alma, dövlət əmlakını mənimsəmə, dövlət çevrilişinə cəhd, hakimiyyəti zorla ələ keçirməyə cəhd və s. ittihami ilə beynəlxalq axtarışa verilib.
