Azərbaycan, Bakı, 06 fevral/ Trend müxbir C.Babayeva/ Azərbaycan Təhsil Nazirliyi orta məktəblərdə, texnikumlarda və ATM-də bilik səviyyəsinin qiymətləndirilməsi sistemindən narazıdır və bu prosesdə iştirak etmək niyyətindədir.
"Biz semestrlərin nəticələrinə görə pilot imtahanları, bəzi təhsil müəssisələrində isə buraxılış imtahanları götürmək niyyətindəyik" - çərşənbə günü Təhsil Nazirliyi İcra Aparatının sədri İlham Pirməmmədov jurnalistlərə bildirib.
Onun sözlərinə görə, imtahanlar iki texnikumda və bir ATM-də keçiriləcək.
Pirməmmədov təhsil alanların biliklərinin qiymətləndirilməsinin Azərbaycanın təhsil müəssisələrinin əsas problemi olduğunu bildirib.
Azərbaycanın ali təhsil müəssisələrində imtahanlar və semestrin yekunları ATM-in özləri tərəfindən keçirilir. Pirməmmədov bütün universitet rektorlarını "bu sistemə hazır olmağa" çağırıb.