Azərbaycan, Bakı, 11 aprel / Trend , müxbir S.İlhamqızı/ Milli Televiziya və Radio Şurası Azərbaycanda idman kanalının açılması üçün bu il aprelin 21-dən müsabiqə edilməsi barədə qərar çıxarıb. Bu barədə Trend a Teleradio Şurasından məlumat verilib.
Şuranın bu gün keçirilən iclasında Azərbaycanda sahə xarakterli telekanalların - idman, mədəniyyət, təhsil, uşaq və gənclərlə bağlı televiziya kanallarının açılması məsələsi müzakirə olunub.
Şura Azərbaycanın Olimpiya hərəkatında fəal iştirakını, Bakı şəhərinin 2016-cı ildə keçiriləcək Olimpiya oyunlarında namizəd şəhər kimi qeydə alınmasını əsas götürərək, ölkədə idman profilli telekanalın açılması qərarına gəlib.
Bunun üçün aprelin 21-dən etibarən müsabiqə elan ediləcək.
Müəlliflə əlaqə saxlamaq üçün elektron ünvan - [email protected]