Azərbaycan, Bakı, 15 may / Trend , müxbir R.Ergün/ Azərbaycanın futbol üzrə ölkə kubokunun qalibinə təqdim olunacaq yeni dizaynlı kubok artıq hazırdır. Bu barədə Trend a cümə axşamı Azərbaycan Futbol Federasiyaları Assosiasiyasının (AFFA) mətbuat xidməti məlumat verib.
Yeni kubok AFFA rəhbərliyinin sifarişi ilə İtaliyanın məşhur "G.D.E Bertoni" firması tərəfindən hazırlanıb. Bu firma futbol üzrə dünya çempionatı və Çempionlar Liqası kuboklarının müəllifidir.
Mayın 24-də keçiriləcək Azərbaycan kubokunun finalında Bakının "İnter" klubu ilə Lənkəranın "Xəzər-Lənkəran" komandası qarşılaşacaq.
Yeni kubok ölkə kubokunun əvvəlki qaliblərinə təqdim olunan kubokdan daha bahalı və dizaynına görə daha yaxşıdır.
Müəlliflə əlaqə saxlamaq üçün elektron ünvan - [email protected]