Azərbaycan, Bakı, 20 iyun/ Trend , müxbir M.Əliyev/ Azərbaycanda ABŞ-ın ali təhsil müəssisələrinin (ATM) filialları açıla bilər.
"Azərbaycanda böyük potensial və təhsil sisteminin təkmilləşdirilməsinə səylər var və düşünürəm ki, yaxın gələcəkdə Azərbaycanda ABŞ ATM-in filialları açıla bilər", - cümə günü Azərbaycan ATM-in tələbələri və nümayəndələri ilə görüşdə ABŞ Dövlət katibinin təhsil və mədəniyyət məsələləri üzrə köməkçisi Qoli Ameri bildirib.
O, filialların konrekt nə zamanaçılıcığını deməyib, lakin qeyd edib ki, "ABŞ univeristetlərinin analoji filialları artıq Omanda fəaliyyət göstərir". Ameri Bakıda filialların açılması məsələsinin yaxın vaxtlarda nəzərdən keçiriləcəyi və reallaşdırılacağını vurğulayıb.
Cümə axşamı Bakıda Azərbaycan və ABŞ arasında əməkdaşlıq haqqında saziş imzalanıb. Sazişə əsasən, Azərbaycan ATM-in məzunları ABŞ universitetlərinin magistraturalarında təhsillərini davam etdirə bilərlər. Sazişi Azərbaycanın təhsil naziri Misir Mərdanov və ABŞ Dövlət katibinin köməkçisi Ameri imzalayıblar. Saziş beş il ərzində realizə olunacaq. ABŞ magistraturlarında təhsil almağı arzu edən bakalavrlar iki dövlətin vahid xüsusi komissiyası tərəfindən seçiləcək.
Müəlliflə əlaqə saxlamaq üçün elektron ünvan - [email protected]