Azərbaycan, Bakı, 02 iyul / Trend , müxbir R.Ergün/ Azərbaycanın "Qəbələ" futbol klubunun düşərgəsinə bu gün Braziliyadan iki futbolçu gələcək. Bu barədə çərşənbə günü Trend -a "Qəbələ" klubunun mətbuat xidməti məlumat verib.
"Qəbələ"nin baxışa dəvət etdiyi futbolçulardan biri müdafiəçi, digəri yarımmüdafiəçi mövqeyində çıxış edir. Hər iki futbolçu komandanın hazırlıq prosesində iştirak etdikdən sonra "Qəbələ"də qalıb-qalmayacaqlarına dair qərar veriləcək.
Mətbuat xidmətinin verdiyi məlumata görə, Mingəçevirdə keçdiyi hazırlıq prosesini başa çatdıran "Qəbələ"nin Hollandiyada təlim-məşq toplanışı keçməsində problem yaranıb. Heyətdəki bəzi futbolçuların viza problemi yarandığından, komandanın Hollandiyaya təlim-məşq toplanışına getməsi sual altındadır. "Qəbələ"nin təlim -məşq toplanışını Türkiyədə davam etdirməsi nəzərdə tutulsa da, klub rəhbərliyi Antalyada otel tapa bilməyib.
"Qəbələ" klubunun baş məşqçisi Ramiz Məmmədovdur.