Azərbaycan, Bakı, 15 avqust / Trend , müxbir R.Ergün/ Azərbaycanlı şahmatçı Teymur Rəcəbov Rusiyanın Soçi şəhərində keçirilən FİDE-nin Qran-Pri yarışında ikinci yeri tutub.
Qran-Pri yarışının sonuncu turunda Ukrayna şahmatçısı Sergey Karyakinlə görüşən Rəcəbov qələbə qazanıb.
FİDE-nin Qran-Pri turnirində iştirak edən digər azərbaycanlı şahmatçı Vüqar Həşimov isə sonuncu turda rusiyalı Petr Svidlerlə görüşdə məğlub olub. Həşimov yarışı doqquzuncu yerdə başa vurub.
Qran-Pri turnirində müxtəlif ölkələri təmsil edən 14 şahmatçı mübarizə aparıb.
Məqalə müəllifi ilə əlaqə ünvanı: [email protected]