Azərbaycan, Bakı, 05 sentyabr / Trend , müxbir K.Zərbalıyeva/ Azərbaycan prokurorluq orqanlarında vakant yerlərə keçirilmiş yazılı imtahanın nəticələri açıqlanıb.
Baş Prokurorluğun mətbuat xidmətindən Trend -a verilən məlumata görə, prokurorluq orqanlarındakı 150 ştat vahidi üzrə elan olunmuş müsabiqənin yazılı imtahan mərhələsindən 73 namizəd müvəffəqiyyət qazanaraq söhbət mərhələsində iştirak etmək hüququ qazanıb.
Prokurorluq orqanlarına işə qəbul 2002-ci ildən başlayaraq yalnız test imtahanı vasitəsilə həyata keçirilir. Bu günədək prokurorluğa işə qəbulla bağlı 6 müsabiqə elan edilib.Həmin müsabiqələrin nəticələri üzrə 214 nəfər gənc hüquqşünas işə qəbul olunub.
Yazılı imtahanda suallardan biri cinayət hüququna, digəri isə cinayət prosesinə aiddir. Yazılı imtahanın keçirilməsində məqsəd namizədin qanunları və digər normativ hüquqi aktları tətbiq etmə bacarığını, qanunların izahını vermək və onların konsepsiyasını izah etmək qabiliyyətini yoxlamaqdır. İmtahanın nəticələrinin yoxlanılması qaydalara uyğun olaraq, ikiqat yoxlama üsulu ilə həyata keçirilib.
2007-ci ildə prezidentin sərəncamı ilə prokurorluğa işə qəbul 3 mərhələdən ibarət olub.
Yazılı imtahan 50 balla qiymətləndirilir
və 30 bal toplamış namizəd növbəti
mərhələyə keçir. Şifahi söhbət
mərhələsində isə 40 bal toplamaq
mümkündür. Bunun 20-ni toplamış namizəd
prokurorluğa işə qəbul ediləcək..
Müəlliflə əlaqə saxlamaq üçün
elektron ünvan- [email protected]