...

Azərbaycanda həbs olunmuş baş redaktorun oğlu elan olunan ittihamda özünü təqsirli bilməyib

Cəmiyyət Materials 23 Sentyabr 2008 13:39

Trend-i buradan izləyin

Azərbaycan, Bakı, 23 sentyabr / Trend , müxbir S.Kazımlı / Azərbaycanda dövlətə xəyanət etməkdə təqsirli bilinərək 12 il azadlıqdan məhrum edilən Milli Elmlər Akademiyası Dilçilik İnstitutunun sektor rəhbəri, "Tolışi sədo" qəzetinin baş redaktoru Novruzəli Məmmədovun oğlu atasına görə həbs edildiyini deyib.

Baş redaktorun Hüquqlarını Müdafiə Komitəsinin sədri Hilal Məmmədov çərşənbə axşamı Trend -a verdiyi məlumata görə, bu gün Səbail rayon məhkəməsində hakim Rauf Əhmədovun sədrliyi ilə N.Məmmədovun oğlu Emil Məmmədovun işi üzrə hazırlıq içlası keçirilib.

E.Məmmədov iyulun 16-da Azərbaycan Cinayət Məcəlləsinin satış məqsədi olmadan qanunsuz olaraq narkotik vasitələri, psixotrop maddələri şəxsi istehlak miqdarından artıq miqdarda əldə etmə və ya saxlama (234.1-ci) maddəsi ilə təqsirləndirilərək həbs edilib.

İclasda E.Məmmədov ona qarşı elan olunan ittihamda özünü təqsirli bilməyib.

Komitə sədrinin sözlərinə görə, E.Məmmədov dövlət tərəfindən tutulan vəkil Gülnarə İmanovadan da imtina edib.

İş üzrə məhkəmə baxışı oktyabrın 7-nə təyin olunub.

N.Məmmədov isə Azərbaycan Cinayət Məcəlləsinin dövlətə xəyanət (274-cü) maddəsi ilə təqsirli bilinərək 2007-ci ilin fevral ayının 2-də həbs edilib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti