Azərbaycan, Bakı. 27 sentyabr/ Trend , müxbir N.Abdullayeva/ Azərbaycan və İran idman sahəsində əməkdaşlıq haqqında saziş imzalayacaqlar. Sənədi Azərbaycanın gənclər və idman nazirinin bu yaxınlarda İrana səfəri çərçivəsində imzalamaq nəzərdə tutulur. Sənəddə əməkdaşlığın müxtəlif aspektləri, həmçinin İran və Azərbaycanın Bədən tərbiyəsi və İdman Akademiyaları tələbələrinin mübadiləsi əks olunacaq, - İranın gənclər və idman nazirliyinin rəhbəri Məhəmməd İshaqi azərbaycanlı həmkarı Azad Rəhimovla görüşdə bildirib.
"Bizim ölkələr o qədər yaxındırlar ki, hətta bu barədə danışmağa dəyməz", - o bildirib.
Onun sözlərinə görə, İranda azərbaycanlı idmançıların idman yarışları və məşqlərini keçirmək üçün hər şərait var.
Müəlliflə əlaqə saxlamaq üçün elektron ünvan: [email protected]