Azərbaycan, Bakı, 17 oktyabr / Trend , müxbir R.Ergün/ Azərbaycanın "Xəzər-Lənkəran" klubunun futbolçuları "Neftçi" ilə oyundan əvvəl iddialı açıqlamalar veriblər.
"Neftçi" ilə oyunda stadiona gələcək minlərlə azarkeşimizi qələbə qazanmaqla sevindirmək bizim üçün çox vacibdir. "Neftçi" ilə görüşdə azarkeşlərimizin dəstəyinə çox ehtiyacamız var", "Xəzər-Lənkəran" klubunun saytına açıqlamasında komandanın kapitanı Emin Quliyev deyib.
Azərbaycan Premyer-Liqasının 8-ci turu çərçivəsində "Xəzər-Lənkəran"la "Neftçi" arasında oyun Lənkərandakı 15 min azarkeş tutumu olan stadionda keçiriləcək. Oyun oktyabrın 19-da, saat 18.00-da başlayacaq.
"Xəzər-Lənkəran"ın Bolqarıstandan olan hücumçusu İvan Çvetkov isə "Neftçi" ilə oyunun çətin olacağını bildirib: "Neftçi"yə qarşı ilk dəfə oynayacağam. Bu komanda haqqında eşitmişəm və çempionluğa iddialılardan olduğunu bilirəm. Bizi çətin görüş gözləsə də, qələbə qazanmaq üçün oynayacağıq".
"Xəzər-Lənkəran"la "Neftçi" klubu arasında keçirilən oyunlar Azərbaycan Premyer-Liqasının ən prinsipial oyunları hesab olunur.
"Xəzər-Lənkəran"ın baş məşqçisi türkiyəli Rasim Kara, "Neftçi"nin baş məşqçisi isə almaniyalı Hans Yurgen Gededir.
Məqalə müəllifi ilə əlaqə ünvanı: [email protected]