Azərbaycan, Bakı, 13 noyabr / Trend , müxbir K.Zərbalıyeva / Azərbaycan Konstitusiya Məhkəməsinin yeni tərkibi ilin sonunadək təsdiqlənə bilər.
Konstitusiya Məhkəməsinin sədri Fərhad Abdullayev cümə axşamı Trend -a bildirib ki, yeni tərkib təyin olunmalıdır.
Abdullayev qeyd edib ki, Konstitusiya Məhkəməsinin fəaliyyətdə olan hakimlərinin səlahiyyət müddəti bitdiyinə görə uzadılıb və Milli Məclis yeni tərkib seçilənədək köhnə tərkibin fəaliyyətini davam etdirməsi barədə qərar qəbul edib.
Bu məsələnin müzakirəsini vacib sayan Abdullayev ilin sonunadək Konstitusiya Məhkəməsinin hakimlərinin təyinatını istisna etməyib.
Əsas Qanuna görə, Konstitusiya Məhkəməsi 9 hakimdən ibarətdir. Konstitusiya Məhkəməsinin hakimlərini prezidentin təqdimatı ilə Milli Məclis təyin edir.
Məqalə müəllifi ilə əlaqə ünvanı:[email protected]
