Azərbaycan, Bakı, 28 noyabr / Trend müxbir K.Zərbalıyeva/ Azərbaycan məhkəməsi Sabunçu rayonunun Nardaran qəsəbə sakininin azadlıqdan məhrum edilməsi haqda hökm çıxarıb.
Azadlıqdan məhrum edilən şəxs quldurluq törətməkdə, qanunsuz silah gəzdirməkdə və hədə-qorxu ilə pul tələb etməkdə təqsirləndirilir.
Trend -un məlumatına görə, cümə günü Ağır Cinayətlərə Dair İşlər üzrə Məhkəmədə hakim Ələkbər Quliyevin sədirliyi ilə keçirilən prosesdə Maştağa sakini Kamran Əliyevə qarşı quldurluq edən Nardaran sakini Elşən Kərimovun 10 il azadlıqdan məhrum edilməsi haqda hökm çıxarılıb.
Kərimov bu ilin iyul ayının 12-də Əliyevin üstünə avtomat silahı çəkərək hədə-qorxu yolu ilə ondan 850 manat pul alıb.
Kərimov Azərbaycan Cinayət Məcəlləsinin təkrar quldurluq törədildikdə (181.2.2-ci), silah və ya silah qismində istifadə edilən əşyalar tətbiq edilməklə quldurluq törədildikdə (181.2.5-ci), təkrarhədə-qorxu ilə tələb etmə törədildikdə (182.2.2-ci), zərərçəkmiş şəxsə xeyli miqdarda ziyan vurmaqla törədildikdə (182.2.4-cü) və qanunsuz olaraq odlu silah, onun komplekt hissələrini, döyüş sursatı (yivsiz odlu ov silahı və həmin silah üçün döyüş sursatı istisna olmaqla), partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə (228.1-ci) maddələri ilə təqsirli bilinir.
Məqalə müəllifi ilə əlaqə ünvanı:[email protected]
