...

Azərbaycanın orta məktəblərində keçiriləcək buraxılış imtahanlarında yeniliklər tətbiq olunacaq

Cəmiyyət Materials 7 Fevral 2009 12:56 (UTC +04:00)

Azərbaycan, Bakı, 07 fevral / Trend , müxbir C.Babayeva/ Bu il Azərbaycanın orta məktəblərində keçiriləcək mərkəzləşdirilmiş buraxılış imtahanlarında bir sıra yeniliklər tətbiq olunacaq.

"Buraxılış imtahanları əvvəlki illərlə müqayisədə bir sıra yeniliklərlə fərqlənəcək. İmtahan zamanı hər bir şagird üçün fərdi sual kitabçası olacaq ki, bu da köçürmənin qarşısını alacaq. Cavab kartlarında şagirdlərin rəngli şəkilləri olacaq", - Trend -un məlumatına görə, şənbə günü təhsil naziri Misir Mərdanov jurnalistlərə bildirib.

Trend -un arayışı: Builki tədris ilində mərkəzləşdirilmiş buraxılış imtahanları Təhsil Nazirliyinin tabeliyində olan Azərbaycanın bütün ümumtəhsil məktəblərini əhatə edəcək. İlk yoxlama imtahanı fevralın 22-də olacaq.

Ötənilki tədris ilində mərkəzləşdirilmiş test imtahanları Bakı, Sumqayıt, Gəncə, Şirvan, Mingəçevir şəhərlərinin və Azərbaycanın Ucar, İmişli və İsmayıllı rayonlarının orta məktəblərində keçirilib. Təhsil naziri Mərdanov imtahanların lazımı səviyyədə keçirilmədiyini bildirmişdi.

Nazir builki buraxılış imtahanlarının keçən ilkindən daha uğurlu olacağına əminliyini bildirib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti