Azərbaycan, Bakı, 17 may / Trend / Bakı klubunun məqsədi Çempionlar Liqasının qrup mərhələsinə düşməkdir. Bu barədə bazar günü Trend -a klubun baş meneceri Zeynal Məmmədov bildirib.
"Avropa Kuboku uğrunda oyunlarda nailiyyətlər əldə etmək üçün komanda gücləndiriləcək. Bunun üçün isə ilk növbədə yeni transferlər həyata keçiriləcək", deyə Məmmədov əlavə edib.
Trend -un arayışı: Azərbaycan Premyer-liqasının sonuncu 26-cı turunun əsas oyunu başa çatıb. Autsayder "Muğan"ı qəbul edən "Bakı" çətinlik çəkmədən qələbə qazanıb. Görüş "Bakı"nın 4:0 hesablı qələbəsi ilə nəticələnib. Qolları Batista, Adamiya və Ticani (dubl) vurublar.
Məqalə müəllifi ilə əlaqə ünvanı - [email protected]