Azərbaycan, Bakı, 18 may / Trend , müxbir A.Hüseynbala /
Ukraynanın paytaxtı Kiyevdə gənc oğlan və qızlar arasında təşkil olunmuş beynəlxalq cüdo turnirinə yekun vurulub.
Azərbaycan Cüdo Federasiyasının mətbuat xidmətindən bazar ertəsi Trend -a verilən məlumata görə, yarışa qatılan 23 idmançımızdan 3-ü fəxri kürsüyə yüksəlib.
İlqar Müşkiyev (55 kq) və Ramin Qurbanov (81 kq) bütün rəqiblərinə qalib gələrək, qızıl medala sahib çıxıblar. Digər həmyerlimiz Mirzə Əsgərov (60 kq) isə 3-cü yeri tutub.
Cüdoçularımız turnirin ardından Kiyevdə start götürən təlim-məşq toplanışında iştirak etdikdən sonra Vətənə dönəcəklər.
Məqalə müəllifi ilə əlaqə ünvanı: [email protected]