...

Azərbaycanda gənclər təşkilatının rəhbəri saxlanılıb

Cəmiyyət Materials 3 Avqust 2009 11:58 (UTC +04:00)
Azərbaycanda gənclər təşkilatının rəhbəri hərbi çağırışdan yayındığı üçün bu gün səhər saatlarında saxlanılıb.

Azərbaycan, Bakı, 03 avqust / Trend , muxbir K. Zərbalıyeva, C. Babayeva / 

Azərbaycanda gənclər təşkilatının rəhbəri hərbi çağırışdan yayındığı üçün bu gün səhər saatlarında saxlanılıb.

"Hədəf" Gənclər Koalisiyasından bazar ertəsi Trend -a bildirilib ki, Koalisiyanın sədri Ağasif İbrahimov bu gün səhər saat 06.00.radələrində Nərimanov Rayon Polis İdarəsinin 18-ci polis bölməsinin əməkdaşları tərəfindən saxlanılıb. Təşkilatdan İbrahimovun hansı səbəbdən saxlanıldığı barədə məlumatsız olduqlarını bildiriblər.

Nərimanov rayon Prokurorluğundan bazar ertəsi Trend -a bildirilib ki, İbrahimov hərbi çağırışdan yayındığına görə barəsində axtarış elan edilib və bu səbəbdən də saxlanılıb. Prokurorluqdan bildirilib ki, İbrahimov barəsində hələlik həbs qətimkan tədbiri seçilməyib. Lakin onun həbsi ilə bağlı məhkəməyə təqdimat göndəriləcəyini də istisna etməyiblər.

İbrahimov Trend -a bildirib ki, hərbi xidmətə çağırılması ilə bağlı ona çağırış vərəqəsi gəlməyib. Çağırışdan yayınmağım barədə də hər hansı bildiriş, xəbərdarlıq almamaışam", - deyə ibrahimov vurğulayıb.

Məqalə müəllifi ilə əlaqə ünvanı: [email protected]

Xəbər lenti

Xəbər lenti