Azərbaycan, Bakı,11 avqust / Trend , muxbir K.Zərbalıyeva /
Azərbaycan məhkəməsi "Xalq qəzeti"nin keçmiş baş redaktoru, "Yeni Müsavat" qəzetinin köşə yazarının apellyasiya şikayətinə baxacaq.
Mahal İsmayıloğlunun vəkili Əlayif Həsənov çərşənbə aşamı Trend -a bildirib ki, keçmiş baş redaktorun Bakının Abşeron rayon məhkəməsinin hökmündən verdiyi şikayətə avqustun 19-də Sumqayıt Apellyasiya Məhkəməsində baxılacaq.
Abşeron rayon məhkəməsi İsmayıloğluna iki il müddətinə şərti azadlıqdan məhrumetmə cəzası verib. Jurnalist apellyasiya şikayətində ona ittiham olunduğu iş üzrə bəraət verilməsini tələb edir.
Trend -un arayışı: İsmayıloğluna qarşı cinayət işi onun qonşuluğunda çalışan xadimənin şikayəti əsasında qaldırılıb. Keçmiş baş redaktor Cinayət Məcəlləsinin qəsdən sağlamlığa yüngül zərər vurma (128) maddəsi ilə ittiham olunur.
Zərərçəkən kimi tanınan Nəsibə Nuruş qızı jurnalistin ona fiziki təzyiq yetirdiyini və mənəvi təhqirə məruz qoyduğunu iddia edir. İsmayıloğlu özü isə hesab edir ki, cinayət işi siyasi sifarişdir və onu hökuməti tənqid edən məqalələr yazdığına görə cəzalandırmaq istəyirlər.
Məqalə müəllifi ilə əlaqə unvanı: [email protected]