Azərbaycan, Bakı, 02 oktyabr / Trend , muxbir H.Bağırov/
Azərbaycanda metrostansiyalara bomba qoyulması barədə yalan məlumat verən şəxsə hökm oxunub.
Ağır Cinayətlərə Dair İşlər üzrə Məhkəmədən cümə günü Trend -a verilən məlumata görə, polisə zəng edərək metronun "Əzizbəyov" və "Həzi Aslanov" stansiyalarına bomba qoyulması barədə yalan məlumat verən Bakı şəhər sakini Xaqani Paşazadəyə 5 il azadlıqdan məhrumetmə cəzası verilib.
O, Cinayət Məcəlləsinin terrorçuluq barədə bilə-bilə yalan məlumat vermə (216) maddəsi ilə ittiham olunub.
Məqalə müəllifi ilə əlaqə ünvanı: [email protected]