Azərbaycan, Bakı, 15 oktyabr / Trend , muxbir H.Bağırov/
Azərbaycan məhkəməsi məhkum yoldaşını öldürməyə cəhd göstərən məhkumu dəlixanaya yollayıb.
Trend -un məlumatına görə, cümə axşamı Ağır Cinayətlərə Dair İşlər üzrə Məhkəmədə Müşfiq Rəcəbovun məhkəmə prosesi başa çatıb.
Bu il iyunun 24-də Ədliyyə Nazirliyinin Penitensiar Xidmətinin 1 saylı cəzaçəkmə müəssəsində çəza çəkən 39 yaşlı Müşfiq Ağabəyi oğlu Rəcəbov onunla eyni yerdə saxlanılan 47 yaşlı Tərlan Həmid oğlu Şirinxun ilə mübahisə edib. Mübahisə nəticəsində Rəcəbov bıçaqla Şirinxunu göz nahiyyəsindən vurub. Xəsarət alan dustaq Pentensiar Xidmətin Müalicə Müəssəsinə yerləşdirilib.
Rəcəbov Cinayət Məcəlləsinin qəsdən adam öldürməyə cəhd (29,120.1) maddəsi ilə ittiham olunub.
Məhkəmə Rəcəbovun 1 saylı Respublika Ruhi-Əsəb Dispanserində müalicə alması barədə qərar qəbul edib.
Məqalə müəllifi ilə əlaqə ünvanı: [email protected]