Azərbaycan, Bakı, 17 noyabr / Trend , muxbir H.Bağırov/
Azərbaycanda iki nəfəri qətlə yetirən şəxs dəlixanaya göndərilib.
Trend -un məlumatına görə, çərşənbə axşamı Ağır Cinayətlərə Dair İşlər üzrə Məhkəmədə Daşkəsən rayon sakini Natiq Orucovun məhkəməsi yekunlaşıb.
Məhkəmə onun anlaqsız olduğunu müəyyənləşdirib.
Məhkəmə Orucov barəsində məcburi müalicə təyin edilməsi barədə qərar qəbul edib. Qərara görə, Orucov sağalana qədər 1 saylı Maştağa Ruhi-Əsəb Dispanserində müalicə olunacaq.
Bu il martın 29-da Daşkəsən rayonunun Astav kəndində kənd sakini Natiq Orucov sərxoş halda məişət münaqişəsi zəminində ov tüfəngindən atəş açaraq qardaşının arvadı Müşginaz Orucovanı və bacısının oğlu Nofər Orucovu öldürüb. Orucov Daşkəsən rayon Polis Şöbəsinin əməkdaşları tərəfindən tutulub.
Məqalə müəllifi ilə əlaqə ünvanı: [email protected]
