Azərbaycan, Bakı, 18 noyabr / Trend , müxbir M.Əliyev /
Təhsil Nazirliyi müxtəlif dərəcəli attestatlar tətbiq etmək niyyətindədir.
"Gələcəkdə biz dünyanın bir çox ölkələrində olduğu kimi, profilli məktəblər yaratmalı və müxtəlif dərəcələr üzrə attestatlar verməliyik", - təhsil naziri Misir Mərdanov deyib.
Onun sözlərinə əsasən, profilli məktəblərin yaradılması vacibdir, çünki hazırda 10-11-ci siniflərdə təhsil alanlar əsas diqqətlərini müəyyən istiqamət üzrə qəbul imtahanlarına hazırlığa yönəldirlər və digər fənlər ikinci dərəcli rol oynayır.
"Nazirliyin məqsədi məktəb proqramlarının qəbul imtahanlarına uyğun keçirilməsidir", - nazir bildirib.
İbtidai məktəblərdə yeni qiymətləndirmə sistemlərinə gəldikdə isə, Mərdanov bildirib ki, bu üsulla təkcə şagirdin biliyi deyil, eyni zamanda məktəbin tədris səviyyəsi və ümumilikdə bütün təhsil sisteminin səviyyəsi qiymətləndirilir.