Azərbaycan, Bakı, 20 noyabr / Trend , A.Hüseynbala/
Azərbaycan Parlamentinin sədri beynəlxalq təşkilatları məhkəmə qərarı ilə azadlıqdan məhrum edilən gənclərlə bağlı məsələnin mahiyyətini bilməməkdə qınayıb.
"Beynəlxalq təşkilatlar gənclərin həbs olunmalarının məğzini bilmədən Azərbaycanın daxili işlərinə qarışırlar", - Trend -un məlumatına görə, Milli Məclisin sədri Oqtay Əsədov cümə günü jurnalistlərə bildirib.
Noyabrın 11-də Səbail Rayon Məhkəməsinin qərarı ilə Emin Milli 2 il 6 ay, Adnan Hacızadə isə 2 il müddətinə azadlıqdan məhrum ediliblər. Beynəlxalq təşkilatlar bu qərarla bağlı etirazlarını bildiriblər.
Gənclər bu il iyulun 8-də restoranda baş verən münaqişədən sonra tutulmuşdular. Onlar xuliqanlıqda və qəsdən sağlamlığa az ağır zərər vurmada ittiham olunurlar.
Məqalə müəllifi ilə əlaqə ünvanı: [email protected]