Azərbaycan, Bakı, 3 fevral / Trend , müxbir F.Hüseynli/
FİFA milli komandaların 2010-cu il üçün ilk reytinq cədvəlini açıqlayıb. Trend -un məlumatına görə, Azərbaycan yığması mövqeyini dəyişməyib.
Berti Foqtsun baş məşqçisi olduğu milli komandamız 2009-cu ili başa vurduğu 114-cü yerdə qalıb. Hesabında 236 xal olan yığmamız UEFA-da 45-ci pilədə yerdədir. FİFA-nın reytinq cədvəlində ilk "üçlük" də dəyişməyib - İspaniya (1627 xal), Braziliya (1568 xal), Hollandiya (1288 xal). Daha bir pillə geriləyən Türkiyə yığması (728 xal) 42-ci yerə düşüb.