Azərbaycan, Bakı, 27 may /Trend, müxbir H.Bağırov/
Azərbaycanda külli miqdarda pul mənimsəməkdə ittiham olunan şirkət əməkdaşına hökm oxunub.
Trend-in məlumatına görə, bu gün Ağır Cinayətlərə Dair İşlər üzrə Məhkəmədə "Mətanət A" şirkətinin işçisi Hafiz Səlimov 2 il sınaq müddətinə 7 il şərti cəza alaraq, məhkəmə zalından azadlığa buraxılıb.
Səlimov "Mətanət A" şirkətində sement məhsullarının topdan satış mərkəzlərinə paylanmasını təşkil edib. O, mağazalardan toplanan külli miqdarda pulu mənimsəyib. Şirkətdə aparılan yoxlamalardan sonra Səlimov həbs edilib.
Təqsirləndirilən şəxs Cinayət Məcəlləsinin mənimsəmə və israfetmə (179) maddəsi ilə ittiham olunub.