Аzərbaycan, Bakı, 21 iyun /Trend, müxbir T.Hacıyev/
Azərbaycanın orta məktəblərində buraxılış imtahanlarının nəticələri bu gün elan olunacaq, - bazar ertəsi jurnalistlərə təhsil naziri Misir Mərdanov deyib.
"İmtahanların nəticələri günün ikinci yarısında Təhsil Nazirliyinin rəsmi saytında yerləşdiriləcək", - nazir bildirib.
İyunun 3-də Azərbaycan rayonlarının, 16,18-də Bakı və Sumqayıtın orta məktəblərində mərkəzləşdirilmiş buraxılış imtahanları keçirilib.
Mərdanovun sözlərinə görə, iyunun 22-də nazirlikdə imtahanların yekununa həsr olunmuş mətbuat konfransı təşkil ediləcək.