Azərbaycan, Bakı, 10 avqust /Trend, müxbir M.Əliyev/
Tələbə Qəbulu üzrə Dövlət Komissiyası Azərbaycanın onbirillik təhsil basası əsasında orta texniki peşə məktəblərində və ali məktəblərdə ixtisasların seçilməsi üzrə prosedurun müddətini 11 avqust saat 10:00-dək uzadıb. Bu barədə komissiyanın məlumatında deyilir.
İxtisasların seçilmə proseduru çərşənbə axşamı saat 24:00-da başa çatmalı idi.
Abituriyentlər İnternet vasitəsilə daxil olmaq istədikləri ixtisasların kodunu təsdiq etməlidirlər.
İxtisasların kodlarının seçilməsi üzrə prosedur avqustun 5-də başlayıb.
Azərbaycanın ali məktəblərində 2 757 vakant yer qalıb.
Qeyd etmək lazımdır ki, Tələbə Qəbulu üzrə Dövlət Komissiyası doqquzillik təhsil bazası əsasında orta texniki peşə məktəblərinə sənəd qəbulunu 11 avqust saat 12:00-dək uzadıb.