Azərbaycan, Bakı, 10 avqust /Trend, müxbir T.Hacıyev/
Azərbaycanda hakimliyə namizədliyini rəli sürmüş 78 nəfər müsabiqənin növbəti mərhələsinə keçib. Bu barədə çərşənbə axşamı Trend-ə Hakimlərin Seçki Komitəsindən məlumat veriblər.
Məlumatda qeyd olunur ki, test üsulu ilə, habelə yazılı və şifahi imtahanlardan müvəffəqiyyətlə keçərək, 2009-2010-cu tədris ili ərzində davam etmiş tədris kursunu və məhkəmədə təcrübə keçməni başa vurmuş 80 hakimliyə namizəd peşə hazırlığının yoxlanılması məqsədilə şifahi imtahandan keçib.
20-dək beynəlxalq və yerli təşkilatlardan olan 30-dan çox müşahidəçinin iştirakı ilə keçirilən imtahanın nəticələri üzrə 78 nəfər hakimliyə namizədin biliyi məqbul sayılaraq, yekun mərhələyə buraxılıb.