Azərbaycan, Bakı, 26 oktyabr /Trend, müxbir S.Ağayeva/
Azərbaycanda Qurban Bayramı ilə bağlı 3 gün qeyri-iş günü elan edilib. Bununla bağlı Nazirlər Kabineti qərar çıxarıb.
Qərara əsasən, Azərbaycanın Əmək Məcəlləsinin 105-ci maddəsinin 7-ci hissəsini rəhbər tutaraq, iş və istirahət günlərinin ardıcıl olmasını təmin etmək məqsədi ilə noyabrın 13-ü - istirahət günü ilə noyabrın 15-i - iş gününün yeri dəyişdirilib, - məlumatı çərşənbə axşamı NK-nin rəsmi İnternet-saytı yayıb.
Bununla da noyabrın 15-i, 16-sı və 17-sı qeyri-iş günü elan edilib.
Azərbaycanda Dövlət Bayrağı Günü münasibətilə noyabrın 9-u da qeyri-iş günü elan olunub.
Bu barədə bazar ertəsi Trend-ə Nazirlər Kabineti mətbuat xidmətinin rəhbəri Akif Əli məlumat verib.