Azərbaycan, Bakı, 8 dekabr /Trend, müxbir M.Əliyev/
Azərbaycanın gənclər və idman naziri Azad Rəhimov Ümümdünya Antidopinq Agentliyi ilə münasibətləri müzakirə edəcək. Gənclər və İdman Nazirliyinin çərşənbə günü yaydığı məlumata əsasən, azərbaycanlı nazir müzakirələri Fransanın Strasburq şəhərində Avropa Şurası Nazirlər Komitəsinin növbəti iclası ərəfəsində keçirəcək.
Azad Rəhimov Nazirlər Komitəsinin iclasında çıxış etməklə bərabər, konfransın yekunları və İdman sahəsində Genişləndirilmiş Hissəvi Sazişlə bağlı fəaliyyətlər, Avropa Şurası ilə Avropa İttifaqı arasında idman sahəsində əməkdaşlıq məsələləri ilə bağlı müzakirələrə də qatılacaq.
İclasda Avropa Şurasının baş katibi tərəfindən Bakıda keçirilmiş Avropa Şurası idman nazirlərinin 18-ci qeyri-formal konfransının yekunlarına dair məlumat veriləcək.
