Azərbaycan, Bakı, 25 dekabr /Trend, müxbir K.Zərbalıyeva/
Azərbaycanda Dünya Azərbaycanlılarının Həmrəylik Günü və Yeni il bayramı ilə əlaqədar polis gücləndirilmiş iş rejimində işləyəcək.
Daxili İşlər Nazirliyinin mətbuat xidmətinin rəis müavini Ehsan Zahidov şənbə günü Trend-ə bildirib ki, daxili işlər naziri, general-polkovnik Ramil Usubovun imzaladığı müvafiq əmrə əsasən, Dünya Azərbaycanlılarının Həmrəylik Günü və Yeni il bayramı ilə əlaqədar DİN-in bütün orqan və hissələrinin şəxsi heyəti ictimai asayişin və təhlükəsizliyin daha da nümunəvi təmin edilməsi üçün dekabrın 30-dan yanvarın 5-dək gücləndirilmiş iş rejimində çalışacaq.