Azərbaycan, Bakı, 7 yanvar /Trend, muxbir M.Əliyev/
Azərbaycanın təhsil naziri Misir Mərdanov bütün təhsil müəssisələrində Azərbaycanın azadlığı uğrunda mübarizədə həlak olmuş şəhidlərin xatirəsinə həsr olunmuş geniş tədbirlərin həyata keçirilməsi barədə əmr imzalayıb.
Trend-in Təhsil Nazirliyinə istinadən verdiyi məlumata görə, əmrdə 20 Yanvar faciəsinin iyirmi birinci ildönümünü ilə əlaqədar Təhsil Nazirliyinin tədbirlər planına müvafiq olaraq, tədbirlərin bütün təhsil müəssisələrində 11-20 yanvar tarixlərində keçirilməsi qeyd olunub.
Yerli idarəetmə orqanlarının rəhbərləri görülmüş işlər barədə yanvarın 26-da nazirliyə hesabat təqdim etməlidirlər.
1990-cı il yanvarın 19-dan 20-nə keçən gecə 137 insan öldürüldü, 744 adam ağır xəsarət aldı, 841 nəfər isə qanunsuz olaraq həbs edildi. Sovet ordusunun əməliyyatları nəticəsində 200 mənzil, ev, şəxsi və dövlət əmlakı dağıldı.