Azərbaycan, Bakı, 15 aprel /Trend, müxbir K.Zərbalıyeva/
Səhiyyə Nazirliyi tərəfindən aprelin 13-də terapiya və epidemiologiya ixtisasları üzrə keçirilmiş imtahanların nəticələri açıqlanıb.
Nazirliyin mətbuat xidmətindən Trend-ə verilən məlumata görə, imtahanlarda 109 həkim iştirak edib.
İştirakçılardan 7 həkim 100 bal toplayaraq ən yüksək nəticələri göstəriblər. Ümumilikdə isə imtahanlarda iştirak edən həkimlərdən 106 nəfər (97%) uğurlu nəticələr əldə edib.
Növbəti test imtahanları travmatologiya, narkologiya və genetika ixtisasları üzrə aprelin 20-də tarixində keçiriləcək.
Nazirlik həkimlərin sınaq imtahanlarının keçirilmə qrafikini də açıqlayıb.