Azərbaycan, Bakı, 6 iyul /Trend, müxbir K.Zərbalıyeva/
Sabiq deputatlığa namizəd Bəxtiyar Hacıyevin apelyasiya şikayəti təmin olunmayıb.
Gəncə Apelyasiya Məhkəməsindən Trend-ə verilən məlumata görə, məhkəmə şikayəti təmin etməyib və Nizami rayon məhkəməsinin hökmünü qüvvədə saxlayıb.
Məhkəmənin hökmü ilə Hacıyev 2 il müddətinə azadlıqdan məhrum edilib.
Hacıyev barəsində bu il martın 4-də Gəncə şəhər Nizami rayon məhkəməsinin qərarı ilə bir aylıq həbs-qətimkan tədbiri seçilmişdi.
Onun barəsində Cinayət Məcəlləsinin 321.1 (qanuni əsas olmadan hərbi xidmətdən yayınmaq üçün növbəti hərbi çağırışdan və ya səfərbərlik üzrə çağırışdan boyun qaçırma) maddəsi ilə yanvarın 24-də Gəncə şəhər prokurorluğunda cinayət işi başlanmışdı.