Azərbaycan, Bakı, 15 iyul /Trend, müxbir İ.İsabalayeva/
Azərbaycanda ali və orta ixtisas məktəblərinə keçirilən qəbul imtahanlarında iştirak edərək 100 bal toplayan abituriyentlər tam orta təhsil bazasından (11 illik) orta ixtisas məktəblərinə sənəd verə biləcəklər. Trend-in məlumatına görə, bunu cümə günü keçirdiyi mətbuat konfransında Tələbə Qəbulu üzrə Dövlət Komissiyasının sədri Məleykə Abbaszadə deyib.
Onun sözlərinə görə, qəbul imtahanlarında iştirak edərək 100-200 bal toplayan abituriyentlərin sayı kifayət qədərdir.
Abbaszadə onu da deyib ki, 9 illik təhsil bazasından orta ixtisas məktəblərinə qəbul zamanı yüksək müsabiqə vəziyyətinin yaranacağı gözlənilir.
Onun sözlərinə görə, indiyədək 9 illik təhsil bazasından orta ixtisas məktəblərinə 13 621 nəfər ərizə verib. Onların 10 605-i ərizəsini təsdiqlədib.