Azərbaycan, Bakı, 19 iyul /Trend, müxbir K.Zərbalıyeva/
Azərbaycan yol polisi bu ilin birinci yarısında axtarışda olan on səkkiz nəfəri yaxalayıb. Trend-in məlumatına görə, bu barədə Baş Dövlət Yol Polisi İdarəsinin məlumatında qeyd olunub.
Bundan əlavə hesabat dövründə 5 ədəd Kalaşnikov avtomatı, 3 ədəd pnevmatik tüfəng, 2 ədəd tapança, 1 ədəd əl qumbarası, 737 ədəd müxtəlif kalibrli patron aşkar edilərək istintaq orqanlarına təhvil verilib.