Azərbaycan, Bakı, 19 avqust /Trend, müxbir K.Zərbalıyeva/
Prokuror "İctimai Palata" adlandırılan qurumun bu il aprelin 2-də keçirdiyi icazəsiz aksiya ilə əlaqədar həbs olunan 6 nəfərə cəza istəyib.
Səbail rayon məhkəməsindən cümə günü Trend-ə verilən məlumata görə, dövlət ittihamçısı Vüqar Hacıyev təqsirləndirilənlər - Sahib Kərimov və Arif Alışlının 4 il 6 ay, Elnur İsrafilov və Zülfüqar Eyvazovun 4 il, Babək Həsənov və Elşən Həsənovun 3 il müddətinə azadlıqdan məhrum olunmasını məhkəmədən xahiş edib.
Proses müdafiə tərəfinin vəkillərinin çıxışı ilə davam edir.
Aprelin 2-də keçirilən qanunsuz aksiyada baş verənlərlə bağlı Bakı Şəhər Prokurorluğunda Cinayət Məcəlləsinin 233-cü (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddələri ilə cinayət işi başlanıb.
Cinayətin törədilməsində xüsusi fəallığı ilə fərqlənən 14 nəfər cinayət məsuliyyətinə cəlb edilib.