Azərbaycan, Bakı, 5 sentyabr /Trend, müxbir K.Zərbalıyeva/
Ali Məhkəmənin hakimi Tapdıq Mahmudovun arvadını qətlə yetirməkdə təqsirləndirilən şəxsə hökm elan olunub.
Bakı Ağır Cinayətlər Məhkəməsindən Trend-ə verilən məlumata görə, Natəvan Mahmudovanın qətlində ittiham olunan Xalidə Əhmədova məhkəmənin hökmü ilə 15 il müddətinə azadlıqdan məhrum edilib.
Ötən il oktyabrın 15-də Çobanzadə küç., 47, mənzil 30 ünvanında yaşayan 39 yaşlı Natəvan Mahmudova Xalidə Əhmədova tərəfindən qətlə yetirilib.
Əhmədovaya Cinayət Məcəlləsinin 120.2.5-ci (tamah məqsədi ilə adamöldürmə) maddəsi ilə ittiham elan olunub.