Azərbaycan, Bakı, 20 sentyabr /Trend, müxbir K.Zərbalıyeva/
Bu ilin yanvarından sentyabrın 10-dək Bakıda 933 yol qəzasında 210 nəfər həlak olub, 1130 nəfər xəsarət alıb. Bu barədə Trend-ə Bakı şəhər Baş Dövlət Yol Polisi İdarəsinin bölmə rəisi Vaqif Əsədov məlumat verib.
Əsədov bildirib ki, ötən ilin müvafiq dövrü ilə müqayisədə bu il 12 hadisə, 5 ölüm, 17 xəsarət artım olub.
Əsədovun sözlərinə görə, ötən ilin anoloji dövrü ilə müqayisədə ölüm halları stabil qalsa da, xəsarət halları 9 fakt artıb.
O bildirib ki, bu ilin 8 ayında yol qəzalarında 58 uşaq həlak olub, 174 nəfər yaralanıb.Bu müddətdə sürücülər tərəfindən 244 284 yol hərəkət qaydasının pozuntusu qeydə alınıb.
Get the Flash Player to see this player.