Azərbaycan, Bakı, 29 sentyabr /Trend, müxbir A.Axundov/
Qazaxıstan Azərbaycan vətəndaşlarının bu ölkədə qalma müddətinin artırılması məsələsini nəzərdən keçirməyə hazırdır.
"Bu müddət paritet əsasda müəyyən edilməlidir", - Trend-in məlumatına görə, bunu iqtisadi əməkdaşlıq üzrə Azərbaycan-Qazaxıstan hökumətlərarası komissiyasının cümə axşamı keçirilən VIII iclasında çıxış edən Azərbaycanın Qazaxıstandakı səfiri Zakir Həşimov deyib.
Onun sözlərinə görə, Azərbaycan vətəndaşları Qazaxıstanda ancaq 30 gün müddətində qala bildikləri halda, Qazaxıstan vətəndaşları Azərbaycanda 90 gün müddətində qala bilirlər.
Komissiya Qazaxıstanın müvafiq strukturlarına Azərbaycan vətəndaşlarının Qazaxıstanda qalma müddətinin artırılmasına dair məsələnin nəzərdən keçirilməsini tövsiyə edib. Trend-in məlumatına görə, bu barədə iclasın nəticələrinə görə imzalanmış protokolda deyilir.
Bundan əlavə, komissiya hər iki ölkənin miqrasiya xidmətlərinə miqrasiya sahəsindəi əməkdaşlığı inkişaf etdirmək məqsədilə bu sahədə saziş layihəsinin işlənməsi imkanını nəzərdən keçirməyi tövsiyə edir.
