...

“Şərq” qəzetinin 15 illik yubileyi qeyd olunub

Cəmiyyət Materials 29 Oktyabr 2011 15:59
Azərbaycanın müstəqil mətbuat orqanlarından biri olan "Şərq" qəzetinin bu gün 15 illik yubileyi qeyd olunub.
“Şərq” qəzetinin 15 illik yubileyi qeyd olunub

Trend-i buradan izləyin

Azərbaycan, Bakı, 29 oktyabr /Trend, müxbir T.Hacıyev/

Azərbaycanın müstəqil mətbuat orqanlarından biri olan "Şərq" qəzetinin bu gün 15 illik yubileyi qeyd olunub. Trend-in məlumatına görə, Azərbaycan Nəşriyyatında bununla bağlı şənbə günü keçirilən tədbirdə qəzetin baş redaktoru Akif Aşırlı qeyd edib ki, qəzetin yaradılması əsasən, 1996-cı il illə əlaqələndirilsə də, əslində, "Şərq" qəzeti 1994-cü ildən nəşr olunub.

Aşırlının sözlərinə görə, 1994-cü ilin mart-aprel aylarında qəzetin bir neçə nüsxəsi nəşr edilib. Lakin sonradan qəzetin nəşri dayandırılıb.

Aşırlı bildirib ki, 1996-cı ildən etibarən "Şərq" qəzeti mütəmadi olaraq, nəşr olunmağa başlayıb.

Qəzetin baş redaktoru bildirib ki, mütəmadi nəşr olunduğu 15 il ərzində "Şərq"də 80-dən çox jurnalist yetişib və bu gün həmin şəxslər Azərbaycanın müxtəlif media qurumlarında çalışırlar.

Aşırlı qeyd edib ki,qəzetin yarandığı dövrdə Azərbaycanın ictimai-siyasi həyatında çox ciddi proseslər baş verirdi və bu qəzeti də ictimai-siyasi proseslərdə fəal iştirak edən şəxslər təsis ediblər.

"Şərq"in uzun müddət səkkiz səhifə olmaqla, həftədə bir dəfə nəşr olunduğunu xatırladan baş redaktor əlavə edib ki, hazırda qəzet gündəlik nəşr edilir.

Xəbər lenti

Xəbər lenti