...

Azərbaycanın dövlət rabitə operatoru Bakı qəsəbələrini internetə optik çıxışla əhatə edəcək

Cəmiyyət Materials 18 Fevral 2012 17:05 (UTC +04:00)

Trend-i buradan izləyin

Azərbaycan, Bakı, 18 fevral /Trend müxbir H.Vəliyev/

Azərbaycan Rabitə və İnformasiya Texnologiyaları Nazirliyinin "Bakı Telefon Rabitəsi" İstehsalat Birliyi (İB) Bakı qəsəbələri və ətrafında internetə fiber-optik çıxış imkanlarının genişləndirilməsi üzrə layihənin həyata keçirilməsinə başlayır. Trend-in məlumatına görə, bu barədə şənbə günü nazirliyin məlumatında deyilir.

Qurumun məlumatına əsasən, layihə "Ultel" MMC rabitə operatoru ilə birlikdə həyata keçirilir.

Söhbət son istifadəçilərə FTTH (Fiber to the Home) texnologiyasından istifadə etməklə fiber-optik rabitə xətləri üzrə internetə çıxış imkanlarından gedir. Bu da artıq hazırda İB-də təcrübədən keçirilir.

Bu gün xDSL texnologiyasının keyfiyyəti qənaətbəxş deyil, bununla əlaqədar olaraq, stasionar rabitə operatorlarının mis infrastrukturlarından yan keçməklə alternativ yolların inkişafının zərurəti meydana gəlir. Yollardan biri kimi FTTx texnologiyası nəzərdən keçirilir.

FTTx mühitində iki və ya bir neçə meqabitdən söhbət belə gedə bilməz. O, tutumların çoxluğuna xidmət edir, məlumatların ötürülməsi isə ev istifadəçiləri arasında paylanması mümkün olan onlarla meqabitlə ölçülür.

Əgər xDSL-dən istifadə zamanı ev istifadəçiləri 2-dən 8-ə qədər meqabit (keyfiyyət həm telefon xəttinin vəziyyətindən, həm də ATS-ə qədər olan məsafədən asılıdır) əldə edə bilərsə, FTTx texnologiyasında bir portun həcmi 10 Mbit/saniyə təşkil edir.

Xəbər lenti

Xəbər lenti