Gürcüstan, Tbilisi, 14 iyun /Trend, müxbir N.Kirsxaliya/
Gürcüstan sinoptikləri iyunun 14-nə 1966-ci ildən indiyədək ən isti temperatur proqnozlaşdırırlar.
Hidrometeoroloji Xidmətdən Trend-ə verilən məlumata görə, Gürcüstanın qərbində havanın temperaturu müsbət 40 dərəcəni ötəcək.
Bu gün Gürcüstanın şərqində də 40 dərəcə isti olacaq.
Sinoptiklərin məlumatına görə, ölkənin şərq hissəsində ən yüksək temperatur - müsbət 39 dərəcə 1922-ci il iyunun 18-də Tbilisidə qeydə alınıb. Qərbdə isə 1966-cı il iyunun 4-də Kobuletidə havanın temperaturu müsbət 41 dərəcə təşkil edib.
Ən aşağı temperatura gəlincə, Gürcüstanın şərqində bu, 1967-ci il iyunun 4-də Tbilisidə qeydə alınıb. Həmin vaxt səhər saatlarında havanın temperaturu 14 dərəcə, gecə saatlarında isə 6 dərəcə olub.
Qərbdə isə ən aşağı temperatur 1967-ci il iyunun 4-də olub. Həmin ildə havanın temperaturu səhər saatlarında 16 dərəcə, gecə saatlarında 6 dərəcə təşkil edib.
Bu arada sinoptiklər bildirirlər ki, artıq iyunun 16-da hava nisbətən sərinləşəcək. Həmin gün Gürcüstanın bütün ərazisində yağış yağacağı gözlənilir.