Azərbaycan, Bakı, 13 sentyabr /Trend, müxbir İ.İsabalayeva/
Azərbaycan Təhsil Nazirliyi bu il ərzində xarici ölkələrdə təhsil alan şəxslərin diplomlarının tanınması və nostrifikasiyası ilə əlaqədar müraciətləri araşdırarkən 225 müraciət üzrə qeyri-qanuni fakt aşkarlayıb.
Təhsil Nazirliyinin mətbuat xidmətindən cümə axşamı Trend-ə verilən məlumata görə, həmin sənədlərin tanınmaması barədə qərar qəbul olunub.
Ümumilikdə bu il ərzində Təhsil Nazirliyinə diplomların tanınması və nostrifikasiyası ilə əlaqədar 1854 müraciət daxil olub. Həmin müraciətlərdən 1403-ü müsbət həll edilib. Müraciətlərin 226-na isə hazırda baxılır.