Azərbaycan, Bakı, 2 noyabr /Trend/
"Stalinqrad döyüşündə alman-faşist ordusunun darmadağın edilməsinin 70 illiyinin bayram edilməsi barədə" Rusiya Federasiyası Prezidentinin 21 sentyabr 2012-ci il tarixli fərmanının icrası ilə bağlı həyata keçiriləcək tədbirlər çərçivəsində Stalinqrad döyüşünün bütün iştirakçılarının təbrik edilməsi nəzərdə tutulub.
Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsindən Trend-ə verilən məlumata görə, bununla bağlı olaraq, Stalinqrad döyüşündə iştirak etmiş bütün sağ qalmış azərbaycanlı döyüşçülərin nazirliyə müraciət etməsi xahiş olunur.
Əlaqə telefonu: (012) 596 50 07; (012) 596 50 37.