Azərbaycan, Bakı, 18 yanvar /Trend, müxbir H.Vəliyev /
"Azercell Telekom" mobil operatorunun şəbəkəsində nömrələrin daşınması xidməti (MNP - Mobile Number Portability) pulsuz olacaq. Bu barədə cümə günü Trend-ə şirkətdən məlumat verilib.
Şirkətdən deyildiyi kimi, operatorun şəbəkəsi MNP xidmətinin göstərilməsinə texniki cəhətdən hazırdır və onun işə salınması üçün yalnız Rabitə və İnformasiya Texnologiyaları Nazirliyinin koordinasiya məsələsinə və bəzi məsələlərə aydınlıq gətirməsi qalır.
Nazirliyin məlumatına görə, MNP xidməti bu ilin martına qədər işə salınacaq.
