Azərbaycan, Bakı, 21 avqust /Trend, müxbir İ.İsabalayeva/
Sabah Azərbaycanın bəzi ərazilərində yağış yağacaq.
Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosunun direktor müavini Gülşad Məmmədova Trend-ə bildirib ki, Bakıda və Abşeron yarımadasında avqustun 22-də hava dəyişkən buludlu, günün birinci yarısında havanın arabir tutulacağı gözlənilir. Gecə və səhər yarımadanın bəzi yerlərində qısa müddətli az yağış yağacağı ehtimalı var. Şimal-şərq küləyi əsəcək.
Bakı və Abşeron yarımadasında havanın temperaturunun gecə 19-24, gündüz 28-33 dərəcə isti olacağı gözlənilir.
Avqustun 22-də Azərbaycanın bəzi şimal və qərb rayonlarında yağış yağacağı gözlənilir. Şərq küləyi əsəcək. Havanın temperaturunun gecə 20-25, gündüz 32-37, dağlarda gecə 9-14, gündüz 19-24 dərəcə isti olacağı gözlənilir.